老闆讃我email寫得好😂🤔
但望真啲，老闆將我嘅電郵反轉再寫過。內容一樣，文字次序經過精細fine tune 及rephrase ！
今日print out 兩份電郵，要一字一句的比對，並且學習一下！
2022年10月12日星期三
2022年9月28日星期三
好好利用apps 儲分！享受free dinner
好好利用apps 儲分！享受free dinner.
👆clp apps 換的.
👆csl club points 換的
👆salad and 意大利雲吞，M&S
Apps 換的
2022年9月15日星期四
這個世代，全方位自助服務
這個世代，全方位自助服務
八月初幫姨甥仔訂了全城最平單程機票香港飛英國倫敦-泰航。
當時國泰單程要接近三萬，中東三寶也要接近萬五，星加坡航空萬五，唯獨泰航， $6000搞掂！
這個價錢，真的不要期望有什麼服務了。
經驗係，打電話，1.5小時沒有人接聽，直接行上去辦公室，辦公室已關門大吉，電郵查詢香港泰航及泰國泰航，一個月都冇人覆㗎！
所以坐泰航， 訂了機票，就定了，起飛前不要期望有任何服務及任何更改！
最值得高興係，準時起飛，姨甥仔人已到達倫敦。
2022年9月2日星期五
人人講通脹，我又講吓
這一期興討論通脹，的確感受到通脹嘅壓力，但沒有特別緊縮個人開支，只係購物上較為小心，以下係小小習慣慢慢改變：
1. 以前買凍肉會在HKTVmall買，送貨較方便，現在多數去百佳惠康買。
2. 買麵包多數幫襯聖安娜，以前買個裝麵包，之後買家庭裝麵包，現在改買有優惠的家庭裝麵包
3. 用電熱水煲煲水，之後轉去煤氣煮麵。電費比煤氣費平。
4. 以前煮菜會即時上碟，現在會提早關掉煤氣焗2-3分鐘， 之後上碟。
5. 手洗衣服的水會順便抹地。
6. 並沒有減少開冷氣，只係加裝風扇燈，效果唔錯。
7. 米和油，一年買買一次，買嘅時候在百佳惠康格下價就算。
8. 蔬菜依然在超市買，百佳比惠康平，會放工買特價菜。依然不會特登行去10分鐘以外嘅濕街市。
9. 麵類，會在優品360 及759買，比百佳惠康平。
10. 先用支付寶及微信支付的消費禮券。
通脹繼續通脹，生活繼續生活，其實改變不大。
2022年9月1日星期四
懷疑人生系列
懷疑人生系列
我 ：要準備啲電腦disposal / donation ，做佐formatting未？
IT 哥哥：唔使啦，公司機，其他人開唔到！
我 ：要開嘅人一定有辦法開到，幾時做 formatting?
IT 哥哥：其實洗咗都冇用，一樣可以還原。
我 ：有心還原嘅人一定會還原到，但你嘅責任係要燒毁公司資料，才可以disposal / donation ！
以免我發火，冇再講落去，我上網search下一個Standard procedure 比佢參考，叫佢draft 一適合公司用嘅procedure ！
救命呀！賣手機前，都會reset啦！何況公司電腦，唔通我嘅形象真係白痴到這地步。我要好好檢討吓自己。
2022年8月30日星期二
2022年8月29日星期一
2022年8月16日星期二
2022年7月22日星期五
$30 ，非常值得俾
已經用了3的服務20幾年，三月份Telesales介紹$138 ，就有100G，比原本的計劃$108增加了$30 ，原本的數據用量是6GB，每到月底，就數據用盡非常煩惱。
現在100 GB，完全不用就住就住，每天上下班，日日YouTube，用碎片時間專注聆聽，增加知識，質量非常之高。這$30非常值得俾。
2022年6月20日星期一
2022年6月15日星期三
防不勝防，速遞難防，大家都係用順丰好了，真的不要用細速遞公司！
我需要更改保險單， 最近忙到甩轆，唔得閒約agent見面，叫保險agent速遞文件給我簽，agent 用”標達傳遞”,著名” 送件簽回”.
昨日receptionist 拎住我份文件，沒有入信封，走來找我簽名！奇怪怎會沒有信封，我即刻查詢速遞員，問他有沒有信封，他說沒有。我的個人資料就這樣公開給公司的大喇叭了😭😭😭。我立刻向保險經紀投訴！
調查結果係速遞員拆開文件，交給receptionist！
我即場查詢速遞員的答案，說「沒有信封」。係講大話。
大家以後真的不要用細速遞公司了，最基本不要拆客人文件也做不到。
其實調查也沒有意思，事實已經不能改變。
2022年6月11日星期六
免費打長途去英國匯豐
免費打長途去英國匯豐
姨甥仔準備去英國讀書，申請了英國匯丰debit card ，要打電話去英國匯丰activate ！
點樣可以連IDD都慳返呢！其實自從有whatapps call / line call / wechat call 己經冇用IDD 好耐！
匯丰又一優點，可以打電話去香港匯丰hotline ，請CS 幫你駁去英國匯丰hotline ！冇長途電話費會增加耐性等候！🤩🤩🤩
2022年6月8日星期三
追！幾時到我閃人！
本公司一向staff turnover 少，過去兩年卻比平常高，每年都超過10%的流動，最近三個月，一個月走一個department head ，身邊的朋友，也趕着在九月開學前，帶着孩子飛往英國，走到令我自己也懷疑，我是否也需要執包袱走人！一位單身師姐，已經年過60 ，順便BNO 飛往英國，方便她暢遊歐洲！
最近三個月，工作非常忙碌，不停要趕在其他人離職之前，完成工作，不斷將工作程序向前推，日日摩打手，做極都做唔完。幾時到我閃人啊。
2022年5月27日星期五
10年
10年
最近和舊同事食飯，知道10年前她的開始學習瑜伽，在工聯會開始，今年已經準備考瑜伽導師牌了。
10年前我和姨甥仔一起開始學彈琴，姨甥仔去年已經考獲演奏級，我在開始後半年，就放棄了，給自己的理由是興趣過了，就是過了。
還記得中學時候非常渴望學習彈鋼琴，家境清貧，當然沒有經濟基礎支持這項昂貴嘅興趣，中四那年拿了僅有的獎學金學了九個月，考取三級，之後便停了，原來停了就是停了，從此拿不起熱誠，說到底應該係沒有「真正的想要」及沒有「真正的渴望」。
當日家裏沒有鋼琴，也沒有足夠金錢交學費，因為極其渴望的情況下，在短短九個月，已經可以考取三級distinction ！
今日有錢交學費，時間充足，有一個鋼琴放在客廳做裝飾品，我的熱誠又去了哪兒。
10年大概我最大的進步應該係體重，增加多於10磅。
究竟我的興趣在哪裏呢？
2022年5月5日星期四
2022年4月26日星期二
究竟收唔收樓？
兩年前未睇過樓，就買咗間肇慶樓，估唔到兩年後今日，從未去過去肇慶，今日就已經要收樓。
究竟收唔收樓好啊，又上唔到去，新區發展又未成熟，一連串思考問題，腦袋有點混亂了。
快思快想，還是好好整理一下自己的思考邏輯，以下是我查詢經紀的問題，以協助我作出決定：
- 什麼時候開始交管理費
- 保修期什麼時候開始計算
發展商並沒有拒絕延遲收樓，但是：
- 管理費由合約規定收樓日期開始計
- 保修期也是有合約規定收樓日期開始計
以上兩點可見，延遲收樓唯一的好處只是延遲繳付維修基金及稅款，但壞處就是縮短甚至失去保修期，管理費的責任也並沒有減少或延後。
平衡利弊，顯而易見，按時收樓，更有益，除非真的是現金流連支付稅款都有問題，否則按時收樓才是王道。
2022年3月30日星期三
.PNG)
2022年3月19日星期六
2022年3月15日星期二
成功在乎九個好習慣
成功在乎九個好習慣：
1.凡事提前準備。
2.拒絕拖延。
3.學會反思。
4.不斷學習，養成”成長期性思維”。
5.告別安逸，接受挑戰。
6.保持情緒穩定。
7.堅持運動。建立自律人生。
8.培養興趣，享受人生。
9.活在當下。
訂閱：
文章 (Atom)